Adam bilen Ýaradanyň arasynda hem dostluk bolýar. Allatagalanyň dostlaryna weliler ýa-da öwlüýäler diýipdirler. Weliler öz ömrüni, özüniň ähli beden hem ruhy gymmatlyklaryny diňe Ýaradana rowa görüpdirler. Olaryň käbiri hatda ýüregini ikä paýlamajak bolup, öýlenmekden hem ýüz dönderipdirler.

— Sen pylany dostuňa ähli syryňy aýtdyň. Ertirki gün ol saňa ýamanlyk etse, syryňy paş etse nätjek? — diýip, biri ýoldaşyndan sorapdyr.

— Eger ol dostumdan ýamanlyk gelse, syrymy ile paş etse, onda bu durmuşyň manysy gaçýar. Onda ýaşap oturasy zat hem ýok. Meniň üçin ýaşaýşyň manysy şol dostum — diýip, ol adam ýoldaşyna jogap beripdir.