Bu günki türkmen halky Oguz hanyň neslidir. Oguz han Türkmeniň

• Gün han,

• Aý han,

• Ýyldyz han,

• Gök han,

• Dag han,

• Deňiz han

diýen ogullary bolýar. Her oglunyň hem dört ogly bolýar.

Oguz han Türkmeniň 24 agtygyndan 24 taýpa emele gelipdir, şolaryň her biri aýratyn at we lakam alypdyr. Dünýäde ýaşaýan ähli türkmenler Oguz hanyň şol ýigrimi dört şahasyndan gelip çykypdyr.

BOZUK kowumlary sag goldur.

GÜN HAN  Oguzyň iň uly ogly. Onuň dört sany ogly bolupdyr.

Gaýa – ýagny mäkäm, gaýa ýaly beýik, berk. 
Baýat – ýagny döwletli we nygmatly. 
Agöýli – ýagny her ýerde ýörerler, ylalaşyk we ýaraşyk ederler. 
Garaöýli – ýagny öýleri gara.

AÝ HAN  Oguzyň ikinji ogly bolup, onuň dört sany ogly bolupdyr.

Ýazyr – ýagny köp welaýat şonuňkydyr.
Düker – ýagny ýygnanyşmak üçin bir ýere gelerler.
Dodurga – ýagny mülk tutmak we ýaşamak.
Ýaparly.

ÝYLDYZ HAN  Oguzyň üçünji ogly. Onuň dört sany ogly bolupdyr.

Owşar – ýagny çalasyn we awa höwesli.
Gyryk – ýagny gutly we permana yhlas ediji.
Begdili – ýagny begler sözler ezizdir.
Garkyn – ýagny uly aş beriji we doýuryjy.

ÜÇ OK kowumlary sol goldur.

GÖK HAN  Oguzyň dördünji ogly. Onuň dört ogly bolupdyr.

Baýyndyr – ýagny hemişe baý we nygmatly.
Beçene – ýagny eý duruşyjy (gowy gatnaşyjy).
Çowdur – ýagny namysly we uzaklara ady ýaýraýjy.
Çepni – ýagny nirede ýagy görse, derrew söweşer we çapar.

DAG HAN  Oguzyň bäşinji ogly. Onuň dört ogly bolupdyr.

Salyr – ýagny sal, ur sözünden bolup, nirä barsaň gylyç we çokmagyň rowan bolsun diýmekdir.
Eýmir – ýagny sansyz öýli we baý.
Alaýuntly – ýagny gysraklary ala we eý atly.
Üregir – ýagny hemişe gowulyk we peýda ediji.

DEŇIZ HAN  Oguzyň altynjy ogly. Onuň dört ogly bolupdyr.

Igdir – ýagny eý, uly we batyr diýmek.
Bükder – ýagny hemmesine hormat, gulluk we hyzmat eder.
Ýiwe – ýagny mertebesi hemmesinden ýokary.
Kynyk – ýagny her ýerde hemmesinden eziz.

(80-nji sah.)