• Allanyň saýlan ýerinde ýaramaz ýer bolmaz. (59)

• Adamy – durmuş, şahsyýeti – taryh terbiýeleýär. (64)

• Adam – Allatagalanyň Wagty syzmak üçin ýasan guralydyr. (73)

• Atylan oklar, meňzeş hem bolsa, diňe käbiri nyşana degýär. (95)

• Aý, ýyl tiz geçýär diýýäris, ýok, aý, ýyl haýal geçýär, ömür çalt geçýär. (95)

• Anyk ýoly bar millet bagtlydyr. (148)

• Agzybirlik ojakdyr, agzybirlik saçakdyr. (170)

• Agzybirlik – döwletiň ambary, hazynasydyr. (170)

• Agzybirlik – ebedi türkmen milletiniň baş ýörelgesidir. (170)

• Amanady aýa, eýesi başgadyr. (184)

• Allanyň ýaradan bendesi hiç bolmanda sençe-mençe bardyr.(185)

• Ata Watanyna dönüklik eden kişä biziň aramyzda orun-ojak bolmasyn (188)

• Adam adama  myhmandyr.(192)

• Adam öz ýekeligi boýunça garawa mätäç jandardyr.(207)

• Akyl aňlanylýan we aňlanylmaýan dertleriň baryndan halas edýändir. (207)

• Akyldan kösenen bardyr, akyldan zyýan çeken ýokdur. (208)

• Adamyň akyllysy dil öwrener. (212)

• Allatagala bu dünýäni adamzat üçin ýaradypdyr. (251)

• Adam öz Adam dünýäsine aralaşyp, Adam dünýäsinde ýaşan mahaly gudrat. (252)

• Adam ýerde ýaşaýar, emma adamyň göwni asmanda perwaz urýar. (299)

• Ajaýyp adamlar köpelse, durmuş ajaýyplaşar. (300)

• Allanyň bendesiniň ýagşysyny ýaýyň, ýamanyny, belki, onuň özi düzeder. (302)

• Adam çagalykdan saýlanansoň, durmuş diňe bir hezillik , gülala-güllük bolmasyny bes edýär. (308)

• Aňy we köňli bilen Watan ezizligine göz ýetiren türkmen hiç mahal ruhdan düşmez. (309)

• Adam ruhy şahsyýetdir. (310)

• Ata haky – Taňrynyň hakydyr. (311)

• Ata-enäniň gadyr-gymmaty ýaşyň geçdigiçe artýar. (313)

• Ata seniň Alladan soňky ikinji hossaryňdyr. (314)

• Ata – seniň il öňündäki tutarygyňdyr, güwäçiňdir. (316)

• Ataň maly terekä salnar, emma abraýy ähli doganlaryňyza bölünmän, bütewiligine geçer. (317)

• Ataň kimdiginden utanma, “Atasyndanam oňat” diýdir. (317)

• Atasyça ýok diýlerinden utan. (317)

• Ataň bolmasa, sen hem bolmazdyň, ekmedik bolsa, dünýä gelmezdiň. (317)

• Ataň seniň öňki “meniňdir”. (317)

• Ataňy äsgermezlik – özüňi äsgermezlikdir, ataňy sylamazlyk – özüňi sylamazlykdyr. (317)

• Ataňa näme ýagşylyk etseň, özüňe ýagşylyk edeniňdir. (317)

• Ataňy sylamak bolsa, Watanyňy sylamakdyr. (318)

• Atalar ölmeýär, olar öz perzentlerinde ýaşaýarlar. (318)

• Adam atasynyň bilinden, enesiniň bolsa ýüreginden önýändir. (319)

• Atasyzlyk – garnyň açlygydyr. Enesizlik – mähir ýetmezçiligidir. (320)

• Adamyň gany atadandyr, süňňi bolsa enedendir. (320)

• Adamyň ilkinji Watany-da enedir. (320)

• Adamyň dokuz aýlap ýaşaýan, adam bolup kemala gelýän ilkinji Watany ene rehmidir. (320)

• Alla ýaradandyr – ýaradyjydyr. Ene bolsa, döredijidir. (321)

• Allatagala adamy atasyz ýaratsa-da, enesiz döredip bilmändir. (321)

• Adamyň hakyky keşbi – onuň ata-enesine goýýan hormatyndadyr. (326)

• Ata bilen enäni bagtyýar etmek perzentleriň borjudyr. (327)

• Ata-enäniň ýüregi perzentdedir. (329)

• Ata öz ýalňyşlyklaryna toba etmese, ol ýalňyşlyklary perzendiň gaýtalajagy ikuçsuzdyr. (329)

• Adamyň ýaramazy günäni özünden gözlemän, döwrüne we jemgyýetine myjabat ýapýanydyr. (330)

• Allanyň öňünde imanyň, milletiň öňünde zähmetiň seniň iň uly güwäňdir. (330)

• Arassalyk, päkizelik ynsapdan çykman, halallyga gol ýapmakdyr. (332)

• Adalat ýoly - ynsanlar üçin şamçyragdyr. (337)

• Adama ýylgyryp bilmegi, gülüp bilmegi Allatagala bagyş edendir. (339)

• Adam söýgi basgançagyna münüp, Ýagşyzada bolup biler. (340)

• Adam tebigata garylyp, tebigat ýaly päk, owadan bolup biler. (340)

• Adamzadyň islendik işiniň manysy haýyr görmekdir. (343)

• Alym – ylym eýesi, jemgyýet – alym eýesidir. (343)

• Adamzat jemgyýeti ylymsyz, adam akylsyz ýaşap bilmez. (343)

• Adamy adam eden ylymdyr. (343)

• Akyl ylmyň şinesidir, zehin – tohumydyr. (344)

• Akyl we ylym – Alla ýakynlaşmagyň mümkinçiligidir. (344)

• Adamyň artykmaçlygy - bilmekdir. (344)

• Adamyň borjy – bilmekdir. (344)

• Akyl ýaşadykça gurba gelýär. (349)

• Alym hakykatyň dostudyr, jemgyýetiň hyzmatkäridir. (350)

• Adam ýakyn dosty bilen ýürekdeş gürrüň etse, onuň ýüki ýeňleýär. (358)

• Adam baýlygyň däl-de, baýlyk adamyň gullugynda bolmalydyr. (359)

• Açgözlülik adamçylyk mertebesinden aýrar, ýakynlaryňy duşmana öwrer. (360)

• Allatagala hemme zady öz-özünden, öz içinden dargar ýaly edip ýaradandyr. (360)

• Alla saňa baýlygy adamlaryň peýdasyna işlet diýip berendir. (361)

• Alla her kime, her bir jandara rysgal paýlaýar. (368)

• Aýal – öýüň şasydyr, hojalygyň eýesidir! (371)

• Aýal giden öýden döwlet gider, erkek giden öýden tug gider. (374-375)

• Azmak-azaşmakdyr, azaşmak bolsa, ýoldan çykmakdyr. (400)

• Adamdan ýalňyz bir ýadygärlik galýar, ol hem onuň bitiren işleridir. (401)

• Adamzadyň mazmuny döretmekden, ýaratmakdan, agtarmakdan, gözlemekden, gurmakdan ybarat. (403)

• Bägül bagda gowy, gelin-gyz – öýde. (12)

• Biz buýsanç bilen özümize türkmen diýýäris! (55)

• Bir aýaly iki är alyp bilmez. Bir ýurda iki töre sygmaz! (99)

• Bitewi millet bolmagyň esasy şerti, özbaşdak döwletli bolmakdyr. (147)

• Beýik Taňra daýanyp, şu günüňi gora, Türkmen! (153)

• Biri süýde siňe seredip gan görýär, ýene biri gana siňe seredip süýt görýär! (185)

• Biri oda siňe seredip, dünýäniň gözbaşyny görýär, ýene biri oda siňe seredip dünýäniň gutarşyny görýär. (185)

• Baýlygy göterinip bilmedik ýol urduryp, azgyn bolar, garyplygy ýeňen adam bolsa myradyna ýeter, adam bolar.(197)

• Bir nahal ekseň, ýaşyň bakydyr. (211)

• Başyň gökde bolsa-da, topraga tagzym et! (212)

• Bagtyýar ýaşamagyň altyn açary dünýä, ýaşaýşa bolan söýgüňdedir! (252)

• Belent boluň, beýik işe baş goşuň, Ruhuňyz tug deýin belentde bolsun! (300)

• Buzdan sowuk dünýäde ýüregiň yssysy bolmasa ýaşamak kyn düşýär. (308)

• Başyny sallamazlyk üçin ruhuň belent bolmagy gerekdir. (308)

• Bu dünýä gelmek bagtdyr. (314)

• Baýlyk ilden aýra düşmegiň däl-de, ile goşulmagyň, il bilen gatnaşmagyň serişdesidir. (332)

• Bikärligiň süýjüligi soňy ajy gutarýan gökje hyýaryňky ýalydyr. (334)

• Bikärlik, nadanlyk we ýaltalyk hiç bir duşmanyň edip bilmejek zyýanyny eder. (334)

• Bilim – ilden özüňe almakdyr, sarp etmekdir. Ylym – özüňden ile bermekdir, döretmekdir. (349)

• Bilim we ylym ýaramaz işiň ähtimallygyny juda azaldýandyr. (350)

• Baýlyk sildir, siliň öňunde durup bilmersiň, ondan bir tarapa sowlup aman galan ýagşydyr. (360)

• Baş döwletiň tapsaň, baýlyga bakma. (360)

• Baýlygy gazanmakdan saklamak, jaý ýerine sarp etmek kyn. (361)

• Baýlyk seni adamlardan daşlaşdyrman, olary ýakynlaşdyrmalydyr. (362)

• Baý bolmaga-da zehin gerek. (362)

• Baýlyk – nebsiň keýpi däldir, iliň peýdasydyr. (362)

• Baýlygy haýyr işe ulandygyňça, bereketi artar, baýlygy ulanman goýdugyňça, öz-özünden hümmeti gaçar. (362)

• Baýlygyň çeşmesi zähmetdir. (362)

• Baýlygy gazanmankaň, ony sowmagyň pikirini et, soň giç bolar. (363)

• Baýlyk – binýatdyr, rehnet – binadyr. (363)

• Baýlygy ruha gulluk etdir. (363)

• Baýlyk, zat – ýoldan çykarar. Döwlet-rysgal – ýola salar. (368-369)

• Baýlyk – gulçulyga, rysgal-döwlet azatlyga getiryär. (369)

• Biziň kalbymyza dünýä ýerleşip biler, biz hem dünýäniň kalbynda ýaşamaga mynasyp halkdyrys! (405)

• Çaga bezzat bolsa, günäkär ene-atasy! (37)

• Çagaňa dili manysy bilen öwret. (212)

• Çaga gorksa “eje” diýip gygyrar, uly aljyrasa, atasyndan haraý gözlär. (315)

• Çagadan namazlykdan düşmän oturan molla-da ýasap bolar, ganhor-da! (347)

• Çaga öz ýaşyna görä zähmetde taplanmalydyr. (348)

• Çaganyň ýaşlykdaky maňlaý deri – geljeginiň altyn däneleridir. (348)

• Dörediji bolmak üçin kalbyň şahyranalygyny ýitirmän saklamak esasy şertdir. (76)

• Dünýä bir göwre bolsa, ruh onuň janydyr. (161)

• Derýalar öz suwuny içmeýärler, baglar öz miwelerini iýmeýärler. (161-162)

• Doganlar bir-birini dogan ýaly hem eý görmelidirler.(203)

• Diriligiň çynlygy diriligiňi aňlap bilşiňe-de baglydyr.(204)

• Dil bolmasa, il bolmaz. (212)

• Dil baýlygy – il baýlygy. (212)

• Dil döwletdir. (212)

• Dilim bar, dünýäm bar. (212)

• Durmuşyň gadyr-manysy birek-birege bolan söýgüňdir. (252)

• Döwlet – halk möçberindäki uly öýdür. (256)

• Döwlet – milli ruhuň gaýmagydyr. (266)

• Döwlet gurmak – milletiň öz-özüni döretmegidir. (267)

• Dirä – ýörelge, ölä – gonalga. (290)

• Daşyňda gowy adam köpelse, galaly bolarsyň. (302)

• Durmuş – Allatagalanyň bize eçilen bagt meýdanydyr. (314)

• Döretmek – ylmyň enesidir. (349)

• Dost adamyň kalbynyň aýnasydyr. (352)

• Dost gerekdir, ýöne başyňa agyr iş düşen güni has zerur gerekdir. (352)

• Dogan islege berilmeýär, dogany saýlap tutup bolmaýar. (354-355)

• Dogan gadyryn dogan biler, birem dogran biler! (355)

• Doganyň dost bolsun, dost – dogan. (356)

• Dost dogan derejesinde, dogan hem dost derejesinde görülýändir. (356)

• Dost adamyň ikinji özüdir. (356)

• Dosty nähili bolsa, adama hem dosty boýunça baha kesýändirler. (356)

• Dost durmuşyň manysydyr. (358)

• Dostluk – ýüregiňi bütinligi bilen özge birine bagyş etmekdir. (358-359)

• Dostluk manysy söýgüdir, mähirdir. (359)

• Dünýäde iň oňat zat - nurdur, baýlykda iň oňat zat - ruhy baýlykdyr. (360)

• Döwletiň hem rysgalyň halallyk bilen baglanyşygy bar. (368)

• Durmuşda eýeleýän ornumyz, wezipämiz däl-de, barýan ýolumyz möhümdir. (401)

• Dostlaşyp utulan, doganlaşyp zyýana galan ýokdur! (404)

• Ene haky – Taňrynyň hakydyr. (311)

• Eklegeniň gadyryny ekläniňde bilersiň, saklaganyň gadyryny saklanyňda bilersiň. (312)

• Eneň seniň içiňi bina edýändir, ataň bolsa daşyň galasydyr. (315)

• Eneň seniň dadyňdyr, ataň – haraýyňdyr. (315)

• Ene – mukaddeslikdir. (319)

• Enesini-atasyny ynjydan adamdan gaçyň, beýle adamdan hiç haçan adam bolmaz! (325)

• Enesine-atasyna seretmedik adamyň ýüzüne seretmegem päl däldir. (325)

• Enesine-atasyna seretmedik adama Allanyň perişdeleri hem bakmazmyş! (325)

• Ene bize topragy söýmegi, ata bize Watany söýmegi gan, ruh bilen bagyş edendir. (325)

• Enäniň göwnüni ýykan nekgendäniň durmuşda dikeltjek zady bolmaz! (325)

• Enesini ynjydan adam ilem ynjydyp biler, ýurdam! (325)

• Enesine seretmedik kişi başga adama seredýär diýseler ynanmaň! (326)

• Edepli perzent öz-özünden döremeýär. (328)

• Eklemek borçdur, çörek bermek borçdur, terbiýe bermek bolsa iki esse borçdur. (329)

• Edebiň iň ýagşysy bolsa, öz-özüňi çäklendirmekdir. (329)

• Edepli perzent il içinde halal ýaşamagyň tärini atasyndan öwrenen perzentdir. (330)

• Ene-ataňa dirikä-de, ýogalandan soň hem hyzmat etmekden irinme! (336)

• Erkinlik bolmasa, jemgyýetiň höziri ýok, kanun bolmasa weli, jemgyýetiň özi ýok. (399)

• Är ýigit är ykbalyna hem razy. (170)

• Ähli zat Allatagalanyň beýik söýgüsinden döräpdir. (251)

• Är başyny egmez işi keç günde, Gama orun bermez köňül köşgünde. (301)

• Ähli ynam ene-atadan başlaýar. (324)

• Ähli günäleriň gözbaşy – gybat bilen ýalandadyr. (332)

• Geýim adamy bezeýär, göze mährem görkezýär. (11)

• Gyz-gelniň göwnüni ýykan türk-iman (türkmen) däldir. (12)

• Gapysyny açyp, kalbyny açmadykdan gaç, kalbyny açyp, gapysyny ýapanyň günäsini geç! (31)

• Günüňden zeýreniji bolma! (101)

• Göwnüň syna-syna seýik bolar. (154)

• Gahrymançylygy durmuşynyň mazmunyna öwren halk edermen bolar! (171)

• Gözüm ýagşysyn görsün! Ýaman özün görkezer. (185)

• Göwün göwünden  suw içer. (192)

• Galplyk – ikiýüzlülik, öz asyl keşbini gizlemekden ötri başga biri bolup görünmekdir.(201)

• Güýçli bolmak üçin, esasan, iki zat gerek: asyl hem-de maksada okgunlylyk.(204)

• Göwni giňlik - ruhubelentligiň esasydyr. Sabyr-kanagat-göwni giňligiň doganydyr. (207)

• Göwni baýyň sözi – jaý (212)

• Gowy adam bolmak özgä däl, öňi bilen, özüňize zerur. (299)

• Göwün guşy hoş bolmasa, perman bilen uçmaýar. (299)

• Göwünde garratma etsem-petsemiň. (301)

• Gam-gussa dartanyň bilen gam-gussa aýrylyp gidýän däldir. (304)

• Gam-gussa köňül berseň, ol goş basyp, duluňda ýatar. (304)

• Gadyr – gymmat ýitgi arkaly aýan bolýar. (319)

• Gözleriň ýylgyryşy ruhy dünýäniň derwezesidir. (341)

• Gün bolmasa, gündizlik bolmaz, ylym bolmasa, jemgyýet bolmaz. (350)

• Gara garnyň däl, gara başyň aladasyny et. (360)

• Göwni baý adam – baýlyga özüni aldyrmaýan adamdyr. (360)

• Gonamçylyk – taryhyň beýnisi. (381)

• Gurmak, döretmek, ýaratmak, bina galdyrmak Allatagalanyň, pygamberleriň ýoludyr, entek bu ýol bilen gidip ýalňyşan ýokdur! (404)

• Halkyň ýoly – Hakyň ýoly. (60)

• Her bir türkmeniň beýikligi – onuň halkynyň beýikligi. (61)

• Hiç bir kitap ylhamsyz ýazylmaýar. (76)

• Her kim öz öýuni düzedip bilse, onbaşy bolmaga ýarar. (87)

• Her kim mätäçlere kömek etmegi başarmasa, ýolbaşçylyga ýaramaz. (89)

• Halk bar – ony şu gün ýaşap ýören ogullary beýgeltmeli! Halk bar – entek oňa ogullary beýik bolup akyl ýetirmeli! (94)

• Günüňden zeýreniji bolma! (101)

• Hassa soramaga barýan wagtyň ömrüň umumy hasabyna urulmaýar. (165)

• Haýsy ýurt ösýän bolsa, şol ýurtda agzybirlik bardyr! (167)

• Haýsy maşgala agzybir bolsa, şol maşgala döwletlidir. (167)

• Haýsy oba agzybir bolsa, halky bagtyýardyr. (167)

• Hanly il – imanly il. (167)

• Haram iýmek – iki egniň etinden çekeläp iýmek bilen barabar! (184)

• Halallyk türkmeni arşa göterer! (184)

• Haýbat etmesizden gorkup duran adama haýbat atmak nämä gerek? (186)

• Hakaýyl kişiler dünýä ir akyl ýetirer, olaryň ylahy nazary geçmişem görer, geljegem. (191)

• Hakyky baýyň, öňi bilen, ruhy baý bolýandyr.(192)

• Halalyň hemaýatkäri içinde, haramynyň ýagysy ýanyndadyr.(202)

• Her bir millet –Allatagalanyň dünýä bagynda eken bir gülüdir.(206)

• Her adamyň ruhy belent bolanda, halkyň ruhy belent bolýar. (288)

• Hoş gününde eselmedi, hor gününde peselmedi. (291)

• Hudaýtagalanyň istäni türkmene parzdyr. (306)

• Herki zadyň gadyr-gymmaty hakda biz ýitirip, soňundan oýlanýarys. (314)

• Hudaýa ynanyp bilmeseň, eneň-ataň guburyna sežde ediber. (324)

• Haýyr işe başlasaň, Hudaýa, iliňe, döwletiňe bil bagla. (332)

• Haram – jemgyýete zyýan etmekdir. Halal – jemgyýete haýyr etmekdir. (332)

• Halalyň ornuna haram geçen bolsa, jemgyýetde terbiýäniň pese düşenligidir. (332)

• Haram “men halal” diýer, çünki şeýtmese, ýol almaz. (332)

• Halal “men halal” diýmez, çünki beýtmegiň manysy ýokdur. (332)

• Hemmeler jemgyýete bergilidirler, mugallymyň bergisi – ýaş nesle ylym we bilim bermekdir. (349)

• Hudaýyň beren zehinini zähmet bilen ýiteltmeseň, ol kütelmek bilendir. (350)

• Haram baýlyk – özgäniň hasabyna gazanylan baýlykdyr. (361)

• Halal baýlyk imana deňdir. (361)

• Halal adamyň müýni ýokdur. (361)

• Haýra sarp etmegiň baş şerti baýlygy halal gazanmakdyr. (361)

• Halal baýlyk – döwletdir. (363)

• Hakyky türkmen baýlygy artdygyça, baýlykdan ýüregi daşlaşýan,

• barha baýlyga biparh garaýan adamdyr. (363)

• Halal zat hiç mahal adamy azgynlyga, hapaçylyga getirmeýär. (368)

• Haram baýlyk özgäniň rysgalyndan ýygnalan baýlykdyr. (368)

• Halal rysk, halal döwlet adamyň ýüregini öňküdenem arassalaýar. (369)

• Halallyk jemgyýetiň şahsyýete bildirýän talabydyr, erkinlik şahsyýetiň köpçülik öňünde tekrarlaýan gymmatlygydyr. (400)

• Içi-daşy bezemen, kaşaň jaý ýagşydyr, emma içinde ýürekdeşiň bar jaý has ýagşydyr. (31)

• Ir dana bor, bu dünyäniň örtäni. (154)

• Il ýörän ýer, ýol bolar. (303)

• Iliň, jemgyýetiň götermejek zadyny etme, şonda jemgyýet hem seni adam sanyna goşar. (332)

• Il-günüňe, jemgyýete we döwlete şübhe etmek haramlyga tarap ädilen ilkinji ädimdir. (332)

• Işiň höziri nagtdyr, ýaltalygyň höziri nesýedir. (334)

• Il-günüň – keramatdyr. Delalaty şondan gözle! (336)

• Iň oňat ylym – jemgyýete peýda getirýän ylymdyr. (343)

• Iň güýçli gujur adamzada berlen akyldyr, ylym ol gujury azat etmegiň, çykarmagyň serişdesidir. (349)

• Iň oňat mugallym öwredýärkä öwrenip bilýän mugallymdyr. (349)

• Iki dogan bir göwräniň iki goly bolarmyş. (356)

• Iň baý kişi – mähre baý adamdyr. (359)

• Iň oňat baýlyk – jemgyýetiň haýryna berilýän baýlykdyr. (361)

• Ile haýry bolmadyk pul hakyky baýlyk däldir. (362)

• Jennet ýaly owadan ýurtlar ýagşydyr, emma öz ýurduň, ata Watanyň has ýagşydyr. (31)

• Jemgyýete peýda bermeýän ylmyň hakyky ylymdygy sübhelidir. (343)

• Jemagatsyz ylym gury owazdyr. (343)

• Jemgyýete peýdasyz ylym bimanylykdyr. (350)

• Jemgyýete miwe, netije bermän, ylma güýmenmek sapaksyz iňňe bile eşik tikmek bilen barabardyr. (350)

• Jomartlyk - halallykdan, husytlyk - haramlykdan nyşandyr. (361)

• Kişi zadyny göterme hem öýüňe getirme. (11)

• Kiçini sylamak – uly üçin parz! (59)

• Kim deňlik ýolundan dogry ýörese, onuň ýoly şumlyga barmaz. (93)

• Kim Watanyny depesinde täç eýlese, Watany hem ony  başyna täç eýlär. (166)

• Kemi bar adamyň, artykmaç ýerem bardyr.(185)

• Köp dil bilen, köp biler. (212)

• Kök bolmasa, daragt ýok, binýady bolmasa binasy ýok. (254)

• Kyn diýip ýagşy işlerden gaçmak, aňsat diýip ýaman işe baş goşmak perzendiňe hyýanat etmekdir. (330)

• Kanagat hem ruh bilen köňlüň gözüni doýurmasaň, göz doýýan däldir. (360)

• Men özümi gorasam, çagalarymy kim gorar? (34)

• Milletiňe akyl ýetirmek är işi, akyldar işi! (96)

• Milletiň bagty Watanyny, ýurduny batyrgaý gorap bilmegindedir. (148)

• Milletimiz - biziň buýsanjymyz! (150)

• Masgaraçylykdan gaçyp gitmäge ýer ýok. (190)

• Maddy baýlyk bilen ruhy baýlyk sazlaşanda altyn ýaşaýyş dörär.(192)

• Men-menligiň dogasy toba gelmek, aman dilemek.(193)

• Men baý diýip dänjiremegin, baýlygyň guk gapdalynda gallaçlyk ýatandyr! (197)

• Men garyp diýip gamlanmagyn, garyplygyň aňyrsynda Möwlam bardyr! (197)

• Mirap ekini suwsuzam guradyp bilýär, suw bilenem! (198)

• Millet ýokary galdygyça, şahsyýet hem barha kämilleşer.(201)

• Mirasyň ýagşysy edepdir. (330)

• Mydama halkyň agysyna aglap, şatlygyna şatlansaň, agzybir bolsaň, başyňa döwlet guşy gonar. (336)

• Men agyr durmuşda ýaşadym, oglum beri bol-telkilikde ýaşasyn diýip, ogluň elini sowuk suwa urdurmazlyk – ogluňa duşmanyň hem edip bilmejek ýamanlygyny etmekdir. (348)

• Maddy baýlyga bütinleý berilmek adamy harsydünýälige eltýär, ony bütinleý inkär etmek bolsa terkidünýälige getirýär. (367)

• Maşgala aýaldan başlanýar. (370)

• Maşgalany gaty berk, jebis, agzybir, bagtly maşgala edýän – perzentdir. (374)

• Millet agzybir bolanda ýeňip bolmajak güýç ýokdur! (383)

• Milletiň özeni onuň aňyýetidir. (402)

• Nebis seniň içiňdäki iň uly belaňdyr. (359)

• Nebis - dert, göwün – dermanydyr. (360)

• Nebsiň gözbaşy tamakinlikdir. (360)

• Nebis seni içiňden ýykjak nägehandyr. (360)

• Nirä, nämä sarp edýäniňi bilmeseň, soňy betbagtlyk bile gutarar. (363)

• Ojak öçse, ömür öçer. (12)

• Okamak, öwrenmek-durmuş hakda has düýpli oýlanmakdyr. (17)

• Okamak, öwrenmek-Beýik Allatagalanyň alkyşydyr. (17)

• Ogry we haramyny dep etmeýän patyşa öz eli bilen ili we kerweni urýandyr. (90)

• Odun atdygyňça ot güýçlenýär! Dogany gaýtaladygyňça keramaty artýar! (95)

• Ogul dogulsa, ene-ata döwlet tapdym diýer, dogan-garyndaşlary “Ýene bir ýumrugymyz artdy” diýer. (327)

• Okamagyň iň oňat usuly pikirlenip okamakdyr. (350)

• Öýde ata ýalňyşsa, ogul ýalňyşar, ene ýalňyşsa, gyz ýalňyşar. (11)

• Öýüň bezegi, ýerli – ýerindeligi, göze gelimliligi, arassalygy. (12)

• Öýüň hapa bolsa, özüň üflis. (12)

• Özüňe hökümdar bol, özüňe erk edip bilseň, islendik işiň hötdesinden gelip bilersiň. (25)

• Öz ýurtlarynda oturyp öwüdi diňlemedikler, uly suwa gaçyp, çykmadyk ite ýa-da gür tokaýyň içine atylan oka meňzärler. (87)

• Öz milletini söýüp bilmedik özgäniň milletini söýüp bilmez. (149)

• Öýkene howanyň, garna çöregiň zerurlygy ýaly, ýürege we köňle ruhubelentlik zerurdyr. (310)

• Ömür – barlykdyr, ölüm – ýoklukdyr. (318)

• Ölümden gorky duýgusy adam bilen bilelikde dünýä inýändir. (318)

• Ömri iň soňunda puşman, ökünç, ahmyr, arman bilen tamamlamaz ýaly ýaşa! (334)

• Öwrenmän, diňe öwretmek – puly gazanman, diňe sowmak bilen deň zatdyr. (349)

• Öwrenmegiň iň oňat usuly okamakdyr. Pikir ýok ýerinde bilim hem ýokdur. (350)

• Özüňe tütjar diýdirme, döwletli diýdir, özüňe kemrysgal diýdirme, rysgally diýdir. (363)

• Patyşalar öýsüzleriň we ýetimleriň atasydyr. (89)

• Pespällikden har bolan ýekeje adamy görkezip bilseňiz, men size men-menlik zerarly heläk bolan million adamy mysal getirip bereýin! (194)

• Paýhasly söz bakydyr. (212)

• Patyşa haky – Taňrynyň hakydyr. (311)

• Perzendiň bagty ata-enesine goýýan hormatyndadyr. (314)

• Perzent atanyň teniniň bir bölegi, enäniň bolsa ýüreginiň bir parasydyr. (319)

• Perzent atanyň gözüniň nury, ýüreginiň bagydyr. (328)

• Perzent ata-enäniň dowamatydyr. (328)

• Perzendiň ilkinji borjy ene-atasynyň hakyny berjaý etmekdir. (329)

• Perzent edep görmese, edep görkezmez. (329)

• Perzent seniň synaň bir bölegidir, synaň bölegine özüň jogapkärsiň . (330)

• Perzendiňe öz-özüni kämilleşdirmegi öwret, galanyny özi alyp çykar. (330)

• Perzendiň ýaman bolsa, günäni ilki özüňden agtar. (332)

• Ruhubelentlik ömrüňize nur-many çaýar, kyn işiňizi aňsat eder. (12)

• Ruhana adamyň işi mydama şow alýandyr. (101)

• Ruhuň belent bolsa, bagt hemraň bolar. (101)

• Ruh bolmasa ýaşaýyş ýokdur, Ruh ýaşaýşyň içki maňzydyr. (160)

• Ruh ýaşaýşyň “bissimillasydyr”. (161)

• Ruh ruhdan döräpdir. Ruh ruhda-da gaýtadan döreýändir. (289)

• Ruhubelent ýaşamagyň şirin lezzetini hiç bir zat bilen çalşyryp bolmaz. (299)

• Ruhy jomartlary Alla söýüpdir, Ruhuňyz tug kimin belentde bolsun! (301)

• Ruhy belent adamy Allatagala ýalkarmyş, ryskyny iki esse berermiş. (303)

• Ruh – biziň gursagymyzda Allatagaladan parçadyr! (305)

• Ruhubelentlik – ýaşaýşa bolan yşgyň gowşamazlygydyr. (308)

• Ruhubelentlik – ýaşaýşa bolan hyjuwyň mizemezligidir. (308)

• Ruhubelentlik – adamlyk mertebäňi duýup ýaşamakdyr. (308)

• Ruhubelentlik – kalbyň ýylysynyň ýitmezligidir. (308)

• Ruhubelent adamyň ýüreginiň örki, bagrynyň bagy onuň eziz Watanydyr. (309)

• Ruhy peslik ýalňyzlykdan döreýändir. (310)

• Rysgal – özüňe ýeterlik halal baýlykdyr, artyk gazanylan baýlyk özgeleriň agzyndan kakylyp alnan rysgaldyr. (362)

• Rysgal – adamyň halal hereketi üçin Allanyň oňa berýän nygmatlarydyr. (368)

• Rysgal – hiç mahal azgynlyga getirmeýän paýdyr. (368)

• Söz – Beýik Allatagalanyň ynsana eçilen iň keramatly peşgeşidir. (20)

• Saňa ýokjak gara özümde dursun, aklygym, päkligim seňki, türkmen! (150)

• Saçak türkmeniň kasamy. (152-153)

• Synalaryňyz toprakdan bolany bilen, ruhuňyz Allatagaladandyr.(191)

• Suw atadyr, ýer – ene (212)

• Söz ýürekden çyksa güýçli. (212)

• Sözi paýhas bezär. (212)

• Sogap Hudaýyň öňünde gazanylýan zat, emma halkyň alkyşy bolmasa, sogap berilýän zat däl. (255)

• Sustupesler jany sagat hassadyr, Ruhy beýgiň rysky iki essedir. (301)

• Sen beýik bol, sebäp halkyň beýikdir, Türkmeniň pes ogly bolmak aýypdyr. (301)

• Sen ataň mirasdüşerisiň, ataň diňe baýlygy däl, at-abraýy, biabraýlygy hem saňa miras galýandyr. (317)

• Seni gaýyplykdan barlyga getiren ata-eneňdir. (317)

• Seniň perzendiň – seniň dowamatyňdyr. (318)

• Siz nirede bolsaňyz hem eneleriň ýüregi siziň bilendir! (326)

• Seniň biabraýlygyň bolsa perzendiň adyna uly tegmildir. (330)

• Suwuň ýok ýerinde ýaşaýyş ýok. (381)

• Şu  günki türkmen,  sen tä okamagyňy bes edýänçäň bilimlisiň, bilimli bolmak islegiň ýitensoň, nadana öwrülersiň. (17)

• Şägirt halypasynyň sapaklaryny bilensoň, halypasyny çalyşýar! (108)

• Şahsyýet milletden gözbaş alýar.(201)

• Şahsyýet üçin milletden gaýry uly gymmatlyk, milletden eziz zat ýokdur.(201)

• Şübhe – ýüregiň kiridir. (332)

• Şeýtanyň gözi seniň iki baýlygyňdadyr: wagtyňdadyr we imanyňdadyr. (333)

• Türkmeni türkmen etjek türkmendir! ( 16)

• Türkmen topragyna bereket saçagy hökmünde sygynýandyr. (28)

• Türkmen hiç haçan gylyjyny gynyndan goňşusynyň garşysyna çykarmaz. (56)

• Türkmeni galp taryh ýazyp kiçeldip bolmaz. (58)

• Türkmen sözüne ygrarly, lebzine wepaly! (59)

• Türkmen halkynyň tugy – ary-namysy. (61)

• Tutan ýoluňy il oňlamasa, görjegiň gowulyk bolmaz. (93)

• Talyp medresäniň dersleriniň aňyrsyna çykanyndan soň, medresesini çalyşýar! (108)

• Türkmen – topragyňa bolan söýgüden başlanýar. (166)

• Türkmen halky agzybirlikden başlanýandyr. (167)

• Türkmen milli sazy – milletiň kalbynyň owazy. (176)

• Türkmen tebigaty – türkmen milletiniň gönezligidir. (180)

• Türkmene haram ýokmaz. (183)

• Türkmen zor bilen almaz. (183)

• Türkmen goýmadygyny götermez. (183)

• Türkmen milleti halaly halaýar. (184)

• Türkmen saçagy deý halal bolsun! (184)

• Türkmeniň ýoly halal ýoldur! (184)

• Türkmen adam hakda aňsat-aňsat ýaramaz söz aýtmaz. (185)

• Türkmen dönügi ähli zatdan nejis görýär, iň soňky peslik hasaplaýar.(186)

• Türkmen ýow güni maldan–başdan geçýär! (190)

• Türkmen topragynda dönüge lagnat daşy atylýar.(190)

• Türkmen türkmene dostdur, dogandyr.(203)

• Türkmenligimizi näçe çuňňur, näçe düýpli  aňlasak, şonça-da türkmenligimiz berkär.(204)

• Türkmen ruhubelentligi dünýä nusga häsiýetdir.(207)

• Topragy söýmedik, Watany söýmez. (211)

• Toprak teniňdir, asman – ruhuň. (212)

• ·         Türkmen döwletiniň bähbidi – halkyň bähbidi. (251)

• Türkmen öz däbi–ýoly üýtgän ýerinde ýeňilýär. (294)

• Terbiýesiz çaga baş öwredilmedik at ýalydyr. (328)

• Terbiýäniň ýagşysy göreldedir, görelde bolsa söz bile hereketiň birligidir. (329)

• Ten arassalygy kalp arassalygy bilen utgaşanda, adam adam bolýandyr. (332-333)

• Ten arassa bolup, kalp hapa bolsa, bu iň ýigrenji zatdyr. (333)

• Türkmeni maksat-myradyna, altyn ýaşaýşyna ýetirjek – ylymdyr. (350)

• Türkmeniň geljegi beýikdir, şöhratlydyr, çünki onuň geçmişi we şu güni bardyr. (402)

• Ulular bir gezek ýalňyşsa, ýaşkiçiler müň gezek ýalňyşar. (11)

• Uluny sylamasaň, kiçini söýmeseň adamçylyk ýiter. (11)

• Ulynyň sözi – kiçi üçin perman! (59)

• Ulug ýokmy – ulama bar. (98)

• Ulalyp, adam çykyp, ataňy artyk ýük hasaplama, ol seni ömürboýy ýük edinip, gerdeninde göterip gelendir. (316)

• Üç bilimdaryň ylalaşan sözüni, her ýerde diýmek bolar. (88)

• Wagt – şu dünýädäki ömrüňdir, iman – bakyýetdäki ömrüňdir. (333)

• Wagt ýitirmek – özüňi ýitirmekdir, ömrüňi ýitirmekdir. (333)

• Wagtdan alanyň özüňkidir. (334)

• Wagt bir gürzüdir, sen ony döwmeseň, ol seni döwer. (334)

• Wagt ýabany ýyrtyjydyr, ony eldekileşdirseň, hyzmatyňda bolar. (334)

• Wagta boýun bolma, ony boýun et! (334)

• Watana dirikäň eden hyzmatlaryň ýogalanyňdan soň hem peýdaly boljakdyr. (336)

• Watan duzy we ene süýdi – mukaddesdir, keramatdyr. (336)

• Ynsanyň jemaly – sözüniň haklygyndadyr. (43)

• Ylahy gudratlara diňe ýylgyryş bilen baryp bolýar. (342)

• Ylym adamzadyň bir artykmaçlygydyr. (343)

• Ylym – bilmek ýolunyň çürbaşydyr, kämilligidir. (348)

• Ylym diňe iliňkini almak däl, özüňkini hem aýan etmekdir. (348)

• Ylym bilmekligiň göni durmuşa çykýan, bilmekligiň durmuş bilen ýüzbe-ýüz bolýan pursatydyr. (348)

• Ylym bilmekligiň durmuşy özgertmek, durmuşy kämilleşdirmek ukybyna ýetmegidir. (348)

• Ylym – akylyň öz-özüni azat etmesidir. (349)

• Ýagy goňşyňy çapsa, seniň öýüňi-de çapar. (12)

• Ýagşy är, ýagşy hatyndan bellidir. (89)

• Ýagşy är ýagşy hatyn kişiden mälim bolar. (89)

• Ýollaryň ýagşysy hassa kişini soramaga alyp barýan ýoldur. (165)

• Ýollaryň ýagşysy – ynsan kalbyna barýan ýoldur. (165)

• Ýollaryň ýagşysy – halkyň ýoludyr. Halkyň ýoly – Hakyň ýoludyr! (165)

• Ýagşy niýetliniň ýoluny hut Hudaýyň özi açar, ýaman niýetliniň duşmançylykdan başga baran ýeri bolmaz.(190)

• Ýagşy sozler, röwşen jümleler, şuglaly sözlemler ýürekden çykar hem göni ýürege barar.(192)

• Ýüregiň, kalbyň gözüni açmazdan owal paýhasyň gözüni açmaly. (207)

• Ýeriň üstünde jepa çeken (zähmet çeken) goýnunda rahat tapar. (211)

• Ýekeje düwür ýeri harlan türk iman (türkmen) däldir. (211)

• Ýürekde näme bolsa, dil şony diýer. (212)

• Ýola çyksaň, diliňi gora. (212)

• Ýoly ýörelgeli ýeňer. (290)

• Ýüzi gyzarýanyň ýüreginde gara bolmaz. (302)

• Ýadyňy ýakyn et! (302)

• Ýaşaýyş – ýaryşdyr! (304)

• Ýagşy adam bilen ýaryşsaň, ýagşy bolarsyň. (304)

• Ýürek birligi, özüňi, ýüregiňi iliňden-günüňden aýra tutmazlyk–söýgüdir. (309)

• Ýürek duýgularyň, adamçylyk ölçegleriň mekanydyr. (319)

• Ýetimiň ýagdaýy ýesiriňkiden elhalrakdyr. (320)

• Ýürek awusy ten awusyndan has güýçlüdir. (320)

• Ýaşaýyş eneden başlanýar. (322)

• Ýagşylyk – öz bähbidiňden geçmäni başarmakdyr, ýamanlyk – iliň bähbidine hyýanat etmekdir. (330)

• Ýamanyň zyýanyny, çynyň pidasyny birbada aňlap bilmersiň. (330)

• Ýagşylygy at üçin hem, hormat üçin hem etmän, halkyň we döwletiň gülläp ösmegi üçin etmelidir. (330)

• Ýamanyň soňy ökünç, ýagşynyň soňy rehnetdir. (333)

• Ýaltalyk – ömrüňi meýletin puja çykarmakdyr, özüňi ýele bermekdir. (334)

• Ýaşamak wagty geçirmek däl-de, wagtyň içinden geçip, bakylyga ýetmekdir! (334)

• Ýylgyryş – mähremligiň nyşanydyr. (337)

• Ýylgyran ýüzde nur bardyr.  (337)

• Ýylgyryş – adamyň ruhy ýüzüdir. (337)

• Ýylgyran ýüze ýygyrt düşmez. (337)

• Ýylgyryp, duşmany dost edip bolýar. (339)

• Ýazlar zeminiň ýylgyryşydyr. (339)

• Ýylgyryş – söýgüdir, mähirdir. (340)

• Ýylgyran kişi söýüp-de bilýändir. (340)

• Ýylgyryş – ynsan dünýäsiniň gapysydyr. (341)

• Ýaltalyk – nebsiň çöwre ýüzüdir. (363)

• Ýigit bilen gyz söýgi nikasyndan geçseler, hemişe bagtyýar bolarlar. (374)

• Ýagşylyk, päli päklik, ýagtylyk Alladandyr. (403)

• Zeýrenç sustuňy pes eder, şowsuzlyklaryň üstüne elter. (101)

• Zer alma, ýer al! (212)

• Zeleliň kiçisi barka, ulusyna ýapyşmaň! (249)

• Zeýrenip gala alan, iş bitiren ýokdur. (304)

• Zähmet iň uly terbiýeçidir. (348)

• Zehin – akylyň bilim ýolundaky jylawdarydyr. (349)

• Zähmet – baýlygyň doganydyr. (363)

•  Zenan öýüň hudaýydyr. (374)

Toplan Seýitnazar Seýdi adyndaky
Türkmen döwlet mugallymçylyk institutynyň rektory,
professor Çary Ýazlyýew