Milli bähbidini arap, XVII — XIX asyrlarda birnäçe döwletler türkmen halky barada erbet häsiýetnamalary ýaýratdylar. Türkmenler alamançy, adam öldürmäni hiç zatça görmeýän, biri-birini hem öldürip ýören wagşy halk, gara öýli, bilimsiz, medeniýetsiz, göçüp-gonup ýören millet diýip sypatlandyrdylar.

Bu haram işler ýüzlerçe ýyllap dünýä ösüşine täsir eden türkmen halkynyň şanly aslyny taryhdan aýyrmak, topragyny basyp almak, milletini bakna etmek üçin gurnalan syýasy oýunlardy. Ýalan häsiýetnamalar, dogrudan hem, türkmenleriň dünýä taryhyndaky ornuna we abraýyna uly şikes ýetirdi.

(44-nji sah.)

XX asyryň başynda zorluk, zulum, uly gan dökülip gurlan kommunistik SSSR döwletinde 1987-nji ýyldan başlap jemgyýetiň dürli gatlaklarynyň, milletleriniň agzalalygy, haramçylygyň çenden çykanlygy sebäpli döwletde hökümet, häkimlik gowşady, tertip-düzgün ýitip başlady.

(46-njy sah.)

«Ogry we haramyny dep etmeýän patyşa öz eli bilen ili we kerweni urýandyr».

(90-njy sah.)

Ogra, haramylara we şerçilere ynanmak bolmaz.

(91-nji sah.)

Türkmen milleti halaly halaýar. Şonuň üçinem, ol haram iýmez, çaga-çugasyna-da haram iýdirmez, ol munuň bu gün çykmasa ertir, ertir çykmasa ýedi puşduňa çenli hökman çykjagyny bilipdir.

Biriniň zadyny ogurlap iýseň, bir öwrümde eýesine şol zadyny gaýtaryp, onuň yrzalygyny alyp bolýar, emma döwletiň, halkyň zadyny iýseň, ony nädip gaýtararsyň?

Haram iýmek — iki egniň etinden çekeläp iýmek bilen barabar!

Türkmeniň ýekinde ýigrendigi haram! Halal halkymyz halal ýaşasyn!

(184-nji sah.)

Galplyk — ikiýüzlülik, öz asyl keşbini gizlemekden ötri başga biri bolup görünmekdir. Adamyň ahlak çüýrükligi şundan başlanýar, haramylyk şundan başlanýar.

(201-nji sah.)

Ýaramaz kişi bir ýaman iş eder, ilden gizlejek, üstüni örtjek bolar, birhililik bilen şeýden ýaly hem bolar. Emma özüne bildirmezden, içinde bir müýn galar. Soň endige öwrülen häsiýetine laýyk ýene bir ýaramazlyk eder, gizlän ýaly bolar, emma bu gezek öz öňündäki müýni has güýçli bildirer. Endigine laýyk ýaramazlygy näçe köp etse, müýni, yzasy şonça-da aýdyň ýüze çykar. Soňabaka ol müýni haramy üçin ýok edip bolmaýan duzaga öwrüler.

(202-nji sah.)

Gorkut ata türkmeniň başyna bela gelse, esasy üç zatdan — agzalalykdan, men-menlikden, haramylykdan geljekdigini wesýet goýup gitdi. Biz Gorkut atanyň wesýetlerini berjaý etmelidiris. 

(272-nji sah.)

Ata öz ýalňyşlyklaryna toba etmese, ol ýalňyşlyklary perzendiň gaýtalajagy ikuçsuzdyr. Şonuň üçinem bir özüňe däl, perzendiňe haýpyň gelýän bolsa, haram işlerden el çek we toba lybasyny geý!

(329-njy sah.)

Şübhe — ýüregiň kiridir. Il-günüňe, jemgyýete we döwlete şübhe etmek haramlyga tarap ädilen ilkinji ädimdir.

Haram «men halal» diýer, çünki şeýtmese, ýol almaz. Ol halallygy perde-galkan edinip ýol almaga ymtylýandyr.

(332-nji sah.)

Haram baýlyk — özgäniň hasabyna gazanylan baýlykdyr.

(361-nji sah.)

Baýlygyňy haramyň peýdasyna ulanmakdan gaça dur! Şondan uly günä ýokdur.

(362-nji sah.)

Haram baýlyk özgäniň rysgalyndan ýygnalan baýlykdyr.

(368-nji sah.)

Haram baýlyk adamyň içinde-de öz hemşerilerini gözleýär we tapýar — şonuň üçin hem haram baýlyga ýüz uran adamyň gara ýüreginde haram zatlara bolan baş bermezek meýiller dömüp çykýar.

(369-njy sah.)

Beýik Biribaryň ýeke-täk beýikligine tagzym edip, Ruhnamany türkmeniň asly, şu güni, ertiri etmek üçin zehini ýiti, parasatly, öňde-soňda haram ýokmaýan ýolbaşçylar gerek. 

(382-nji sah.)