Türkmen, ruhuňy belent tut, eden işiňi halal et, baýa, baýat ýurduňy! Türkmeni türkmen etjek türkmendir!

(16-njy sah.)

(17-nji sah.)

Gudraty güýçli Allatagala şeýle buýurdy: «Pygamberleriň yzy bilen biz Merýemiň ogly Isany iberdik, şunda ondan öň Töwratda beýan edilenleriň hakykatdygy tassyklanyldy. Şeýle hem biz oňa Injili, şol kitap arkaly bolsa Töwratdaky aýdylanlary tassyklaýan röwşenlik nuruny we halal ýoly peşgeş berdik».

(21-nji sah.)

Keremli erenler-pirler gezen, türkmeniň ojagy deý mukaddes, lebzi ýaly halal, buýsanjy ýaly beýik, ynamy ýaly keramatly Türkmenistandyr bu!

(28-nji sah.)

Beýik Allatagaladan dilegim, türkmeni aslyna gaýdyp getir! Oguz handan başlap orta asyrlaryň ahyryna çenli agzybirligi, batyrlygy, watansöýüjiligi, halallygy, geçirimliligi, dini, dili, medeniýeti — Beýik Ruhy bilen tanalan halk hökmünde ýaňadan XXI asyrda milletimiziň dowamatyny ber, ýeke-täk Beýik Taňrym! Beýik Taňrymyza sygynyp, her bir türkmen asly halal ata-babalarymyzyň gylyk-häsiýetlerine eýe bolsun!

(45-nji sah.)

Mäne baba:

Allanyň saýlan ýerinde ýaramaz ýer bolmaz, Allanyň ýaradan günleriniň sähet däli bolmaz! Döwletiňiz halk döwleti bolup, Hakyň — Allatagalanyň ýoly bilen, türkmeniň halallyk, adalatlylyk ýoly bilen gitseňiz, almajak galaňyz bolmaz — diýipdir.

(60-njy sah.)

Hiç kim hyýanat, ogurlyk we haramlyk etmez ýaly, haýyn we günäli kişileriň çäresini görmek gerekdir. Zorluk we zulum edijiler möwç almaz ýaly, zorluk we zulum gören kişileriň dadyna ýetişmelidir. Çünki aýdypdyrlar: «Ogry we haramyny dep etmeýän patyşa öz eli bilen ili we kerweni urýandyr». Sebäbi patyşalaryň ilden görýän haýyrlary ýowuzlary dep edenlerinde halala öwrülýär.

(90-njy sah.)

«Biz dirikäk şu aýdylan sözlerden çykmarys! Eger bizden bolan oglanlar halalzada bolsalar, dünýä ahyr bolýança bu ähtnamany okap, amal etsinler. Eger birden haramzada bolup ýurdy bozaly diýseler, amal etmesinler»

(99-njy sah.)

Agzybirlik — ojakdyr. Agzybirlik saçakdyr! Ojagyňyz keramatly, saçagyňyz halal bolsun!

(170-nji sah.)

Türkmene haram ýokmaz.

Türkmen halal bilen harama mizemez serhet çeken halkdyr.

(183-nji sah.)

Halal we haram yslam dininde hem esasy ölçegdir. Halala hem harama degişli närseler başdan-aýaga işlenip, kemi-kösti goýulmandyr, emma türkmen yslamdan daşgaram, halala hem harama öz garaýşyny salýar.

Türkmen milleti halaly halaýar. Şonuň üçinem, ol haram iýmez, çaga-çugasyna-da haram iýdirmez, ol munuň bu gün çykmasa ertir, ertir çykmasa ýedi puşduňa çenli hökman çykjagyny bilipdir.

(184-nji sah.)

Türkmeniň ýekinde ýigrendigi haram! Halal halkymyz halal ýaşasyn!

Türkmen saçagy deý halal bolsun!

Halallyk türkmeni arşa göterer!

Türkmeniň ýoly halal ýoldur!

(184-nji sah.)

Halalyň hemaýatkäri içinde, haramynyň ýagysy ýanyndadyr.

(202-nji sah.)

Türkmen ilim aman bolsun!
Ýollarymyz halal bolsun!

(286-njy sah.)

Adam köňül arzuwyndan umydyny üzse, onda onuň ruhy peselýär, lapykeçlige ýüz urýar. Rehim-şepagatlylyk, halallyk, adalatlylyk, ruhubelentlik, agzybirligi saklamak, milletiňi söýmek, goňşyňy söýmek, iliňi söýmek, ýurduňy söýmek duýgulary adamlaryň kalbynda bolmaly.

(288-nji sah.)

Türkmen Ruhunyň birinji eýýamy biziň eýýamymyzdan öňki V müňýyllykdan biziň eýýamymyzyň 650-nji ýylyna çenli aralygy tutýar. Bu eýýamda milletiň ruhy gözbaşy Oguz handyr, halal, sada türkmen zähmeti bilen gün görýär. Oňony öküzdir. Öküz öz zähmeti bilen tebigaty özgerdýär. Öküz ene ýeriň hasyl bermegine sebäp bolýar. Öküz ýaşaýşy, dünýäni, žemgyýeti herekete getirýär.

Mirasyň ýagşysy edepdir. Edepli perzent il içinde halal ýaşamagyň tärini atasyndan öwrenen perzentdir.

(330-njy sah.)

Halal — jemgyýete haýyr etmekdir.

Mähriban türkmen halkym!

Ähli günäleriň gözbaşy — gybat bilen ýalandadyr. Çünki gybat hem ýalan günäňi, haramlygyňy örtmegiň, gizlemegiň serişdesidir.

Halalyň ornuna haram geçen bolsa, jemgyýetde terbiýäniň pese düşenligidir. Terbiýe, edep bermek — halallygy, jemgyýeti halas etmegiň ýoludyr.

(332-nji sah.)

Halal «men — halal» diýmez, çünki beýtmegiň manysy ýokdur.

(332-nji sah.)

Halal baýlyk arassalyk, haram baýlyk galplyk bile gazanylan baýlykdyr.

(361-nji sah.)

Halal baýlyk imana deňdir.

Jomartlyk — halallykdan, husytlyk — haramlykdan nyşandyr.

Adam öz-özüni azat etmese, jemgyýet ony azat edip bilmez. Özüňi azat etmegiň esasy bolsa, halallykdyr. Halallyk iliň ýüzüne dogry bakmaga, özüňi arkaýyn duýmaga, göw­nüňi giň tutmaga hukuk berýär. Halal adamyň müýni ýokdur.

Pikiriň-niýetiň hem halal bolsun, sözüň hem halal bolsun, işiň hem halal bolsun. Diňe şonda hakyky halallyk kemala geler.

(361-nji sah.)

Halal baýlyk — döwletdir. Özüňe tütjar diýdirme, döwletli diýdir, özüňe kemrysgal diýdirme, rysgally diýdir.

Zähmet halasgärdir. Halal zähmet keselden, tukatlykdan, tamakinlikden we garyplykdan halas edýär.

(363-nji sah.)