Gorkut ata ýaly il-ulusa kethudalyk edip, agzybirligi berkarar edýän gojalarymyz bar biziň!

(26-njy sah.)

Oguz hanyň, Gorkut atanyň, Seljuk hanyň, alplar alpy Alp Arslanyň, Mälik şanyň, Soltan Sanjaryň, Göroglynyň, Magtymgulynyň topragyna syýahat ediň!

(29-njy sah.)

Türkmen halkyna Gorkut atany keramatsyz adam diýip ynandyryp bilmersiň!

(43-nji sah.)

Gorkut ata, Hoja Ahmet Ýasawy, Bahaweddin Nagyşbendi, Nejmeddin Kubra, Salar baba ýaly pirleriň dem salyp, çüflän keramatly, gudratly topragy bu.

(79-njy sah.)

Pygamber alaýhyssalam zamanyna ýakyn döwürde Baýat boýundan Gorkut ata döredi. Ol Oguz kowumynyň danasydy. Näme aýtsa bolardy, gaýypdan habar bererdi. Allatagala onuň köňlüne ylham bererdi. Pygamber derejesinde oturan, halkyň ruhy baştutany Gorkut ata ilkinjileriň biri bolup yslamy kabul edipdir, Mekge-Medinä gidip, haj parzlaryny bitiripdir.

(105-nji sah.)

Gorkut ata zamanynda diri baýlygy ýeriň üstüne, öli baýlygy ýeriň astyna sygmaýan, güýjüne baýrynyp, ýurduna buýsanyp ýören türkmenleriň kämil aňy oglanjygyň köýnek-balagyndan çykyşy ýaly, türkmenleriň kämil ruhy otparazlygyň hem, taňryparazlygyň hem çygryndan çykypdyr.

(108-nji sah.)

Gorkut ata bäş ýüz ýyllap türkmen sebitinde öz türkmen neberesi bilen erkana ýaşady. Şondan soň, ýagny türkmen taryhynyň üçünji eýýamynda Gorkut atanyň neberesinden bolan Seljuk beg türkmenleriň hany boldy.

(108-nji sah.)

Gorkut atamyň ruhy:

— Ýaz, milletiň oňlap, alnyna togap edip, aňyna, ýüregine ýazan zady keramatly bolar! — diýdi.

(148-nji sah.)

Allatagala türkmeniň dört gerçegine — Oguz han Türkmene, Gorkut ata, Görogla, Magtymgula pygamberlik ýüküni urdy.

(148-nji sah.)

Bu gün Gorkut atamyzyň arzuw eden paýhas-parasadyna, agzybirligine ýetdik.

(153-nji sah.)

Görüp otursam, men ýetim däl ekenim! Oguz han ýaly atasy, Gorkut ata ýaly mugallymy, Görogly ýaly agasy, Magtymguly ýaly danasy bolan adam, heý, ýetim bolarmy?

(156-njy sah.)

Gorkut ata taglymaty halkyň hakydasynda Gorkut ata ýoly bolup galypdyr.

(164-nji sah.)

Oguz han Türkmenden, Gorkut atadan, Görogludan, Magtymguly atamyzdan bize türkmen ýoluny mukaddes tutmak wesýeti, türkmen milletiniň jebisligi, bitewiligi barada ençeme öwüt-ündewler galypdyr.

(165-nji sah.)

Oguz han Türkmen, Gorkut ata, Mäne baba, Magtymguly ýaly adamlaryň ýoldaşly bolandygyny halkymyz ykrar edýär.

(197-nji sah.)

Adam dünýäsinde ýaşan mahaly gudrat! Ol düýbünden başga dünýä! Ol dünýä uçar bilen, raketa bilen aralaşyp bolanok. Ol dünýä uçup baryp bolanok, atly gidip bolanok! Mundan bir ýarym müň ýyl ozal Gorkut ata dutaryny çalyp, mes oguzlary şol dünýä syýahata aýlapdy... 

(252-nji sah.)

Gorkut atamyz aýtmyşlaýyn, bizden nesillerimize rowaç, baý, kuwwatly, berkarar döwlet galar! Dünýäde mundan uly, mundan beýik, mundan ajaýyp bagt bolup bilmez!

(254-nji sah.)

Gorkut ata türkmeniň başyna bela gelse, esasy üç zatdan — agzalalykdan, men-menlikden, haramylykdan geljekdigini wesýet goýup gitdi. Biz Gorkut atanyň wesýetlerini berjaý etmelidiris.

(272-nji sah.)

Başy garly Köpetdagyň nagmasy bar diýdiler,
Mahal-mahal ýanan är deý nagrasy bar diýdiler,
Ýyldyrymlap, gök gürledýän çagbasy bar diýdiler,
Aýlanyp türkmen topragyn, ýagmasy bar diýdiler,
Daglarynda Gorkut ataň paýhasy bar diýdiler.

(274-nji sah.)

Gojalary Gorkut ýaly pähimdar,
Ejeleri Ýunus ýaly rehimdar,

(275-nji sah.)

Düýp babaň Oguz han, Gorkut — halypaň,
Altmyş asyr taryhydyr — hakydaň.
Garagumuň — desterhanyň, hazynaň
Rysgal-bereketli, barly türkmensiň!

(276-njy sah.)

Ikinji eýýamda milletiň ruhy ýolbaşçysy Gorkut ata boldy. Bu döwrüň ruhy gopuz bilen beýan edilipdir. Yslamy meýletin kabul eden Gorkut ata türkmen ruhunyň täze bir giňiş­ligini açdy. Özüniň iman, ahyrýet hakyndaky pelsepeleri bilen Gorkut ata ahlagyň täze gymmatlyklaryny işläp düzdi. Indi dünýä öňküsi ýaly üç däl-de, ikä geldi. Bu dünýäde eden işleriňe hasap geçmeli, ahyrýetiň bardygyna iman getirildi.

(291-nji sah.)

Beýik akyldarymyz Gorkut ata Türkmeniň döreden pähimleriniň içinde üç sany pähime aýratyn ünsüňizi çekeýin.

Patyşa haky — Taňrynyň hakydyr.

Ata haky — Taňrynyň hakydyr.

Ene haky — Taňrynyň hakydyr.

Hak sözi hukuk diýen söz bilen manydaşdyr, bir zatdyr.

(311-nji sah.)

«Ataň barka at gazan, atyň barka ýol gazan» diýip, Gorkut atamyzyň pendinden misil tut!

(316-njy sah.)

Oguz han, Gorkut ata, Alp Arslan..., Gökdepe galasynyň gahrymanlary ýaly ençeme men-men diýen ärler mertlikde türkmeni ýedi yklyma tanatdy.

(336-njy sah.)

Gorkut ata «Sözüň gutaran ýerinden saz başlanýar» diýipdir.

(341-nji sah.)

Atamyz Gorkut ata ýaman aýaldan sizi Alla gorasyn diýip pent edipdir!

(371-nji sah.)

Paýhasly, parasatly Gorkut ata kibi ärleriň haky üçin paýhasly boljak bolalyň, ýurduň binasy paýhas-parasatdan bolsun!

(404-nji sah.)