Garaýusup birnäçe gezek Teýmir tarapyndan kowulýar, emma hemişe yzyna dolanmagy başarypdyr. Teýmir ýogalansoň Garaýusup 1405 (807)-nji ýylda özüniň öňki hökmürowanlyk eden ýerlerini gaýtaryp alypdyr. 1411-nji ýylda hökümdarlygyny jelaýyrlar bilen birikdiripdir. Garagoýunly türkmenler 1469 (874)-njy ýylda beýleki türkmen taýpasyna, ýagny Akgoýunly türkmenlere öz ornuny bermeklige mejbur bolýarlar.

Bu döwlet Gara Ýusubyň hökümdarlygy döwründe güýçli derejä çykýar. Soltan Teýmiriň hem ölmegi bilen Garagoýunlylar sebitde iň güýçli döwlet halyna gelýärler. Gara Ýusup 1409-njy ýylda Mardini eýeläp, Artyklylar döwletini syndyrýar. 1410-njy ýylda Erzinjany, 1415-nji ýylda Hezirbegjandaky Soltaniýäni alýar, soň Bagdady eýeläp, uly döwlet derejesine ýetirýär.