Türkmen aty, halysy, saz gurallary, dutary, şaý-sepleri, alabaý iti, saryja goýny, ak bugdaýy — bular biziň milletimiziň döreden maddy gymmatlyklarynyň esaslary we göze dürtülip duranlarydyr.

(67-nji sah.)

Ak bugdaý — bäş müň ýyl mundan öňem bar eken.(68)

(68-nji sah.)

Bu toprakda kesewiňi dürten ýeriň bagy-bossan bolýar, ýaýyňdan okuňy gaçyrsaň, bu toprak altynbaş bugdaý öndürýär, söz gaçyrsaň, dana pähim bolup galkynýar bu toprak, ýaşasaň rysgal-bereket bolup göterilýär bu toprak!

(78-nji sah.)

Bu toprak şeýle toprakdyr, munda yhlas bilen kesewini dikseň hem gögerýär.

Bu topraga atan her bir dänäň müň, iki müň, üç müň däne bolup gaýdyp gelýär.

Bu topraga atylan ýaý oklary bu gün altyn başly bugdaý bolup ülpüldeýär.

(166-njy sah.)

Biz häzir türkmen topragynyň iki million gektaryna golaýyny özleşdirip ekin ekýäris. Emma ata-babalarymyz ol topragyň ähli ýerini özleşdirip, ekin ekipdir.

(172-nji sah.)

Çölde duşýan sansyz oýtak takyrlara gawun-garpyz, künji, mäş ýaly ekinler ekipdirler.

(174-nji sah.)

Taryhymyzy çuň öwrenmäge biz Garaşsyzlyk ýyllary mümkinçilik tapdyk. Diňe bir geçmiş taryhymyzy däl, bize indi ekerançylyk taryhymyzy öwrenmäge-de mümkinçilik döredi. Men ekerançylyk taryhymyz bilen gyzyklandym welin, şonda gaty üýtgeşik taryhy maglumatlaryň üstünden bardym, ata-babalarymyzyň bu topragy jigerine deňemesiniň sebäbine şonda düşünip galdym.

Taryhy maglumatlar maňa ak bugdaýyň ilkinji watanynyň Türkmenistandygyny düşündirdi. Bäş müň ýyl mundan ozal Änewiň düzlüginde ýetişdirilen ak bugdaýyň tohumy tapylan bolsa, biz «Türkmenistan — ak bugdaýyň Watany!»  diýip, arkaýyn aýdyp bileris.

(178-nji sah.)

Daýhanlarymyz bu topragyň her bir gysym gumunyň zerden-göwherden gymmat hazynadygyny, dünýädäki ilkinji ekerançylygyň şu toprakda başlanandygyny, bu topragyň ilkinji ak bugdaýyň Watanydygyny bilýärler! Bu toprakda bitýän ir-iýmişleriň, gök we bakjaçylyk, ekerançylyk önümleriniň tagamlylygy, datlylygy, hümmetliligi boýunça bäsleşip biljek ikinji bir döwlet ýokdur.

(247-nji sah.)