Türkmen halkynyň Beýik Britaniýa ýaly, beýik hindi halky ýaly, beýik hytaý halky ýaly dünýäniň taryhynda ajaýyp yzlary galdyryp, dünýäniň ylmyna, edebiýatyna, medeniýetine, umuman, dünýä ösüşlerine ummasyz goşantlary goşan halkdygyny äşgär etjek bolýaryn.           Türkmen halkynyň tugy — ary-namysy.           Her bir türkmeniň beýikligi — onuň halkynyň beýikligi.           Türkmen halky bolsa dünýä:           päkize türkmen bedewlerini,           päkize türkmen halysyny,           päkize türkmen şaý-seplerini,           päkize milli geýim-gejimlerini,           päkize ak bugdaýyny,           saryja goýnunyň tohumyny berýär. (61-nji sah.)

Yslam dünýäsinde ylmyň, edebiýatyň, sungatyň kerwenini çeken türkmenler

Mahmyt Gaznalynyň, seljuk türkmenleriniň soltanlarynyň, Köneürgenç soltanlygynyň döwründe bütin yslam dünýäsinde ylmyň, edebiýatyň, sungatyň kerwenini çeken türkmen, dünýä türkmen medeniýetini tanatdy. Ylma, sungata, ruhy dünýäsine berlen Köneürgenç döwleti synanyndan soň türkmeniň beýik danyşmentleri, alymlary, edebiýat we sungat adamlary diňe bir Türkiýäniň üsti bilen däl, eýsem, başga ikinji bir ýol bilen hem — Kawkaza, Ruma, Arabystana doldular, ondanam Müsüriň üsti bilen Ispaniýa geçdiler. Şeýlelikde, türkmen halkynyň ylmy-önümçilik gazananlary Ýewropa ylmy-önümçiligine, ösüşine hamyrmaýa, gönezlik boldy. Türkmen tigri dünýä ylmynyň ösüşine tizlik berdi. Türkmenleriň dünýä ýaşaýşynyň, ylmynyň, önümçiliginiň, senaga­tynyň ösüşine goşan goşantlary ymgyr kän, olar entek düýpli öwreniler.

(61-nji sah.) 

Türkmen gymmatlyklary döreden halkdygy üçin beýikdir

Türkmen gymmatlyklary döreden halkdygy üçin beýikdir. Ol gymmatlyklar bolsa, bireýýäm adamzat gazananlarynyň  hataryna geçdi. Şeýle gymmatlyklaryň içinde ruhy gymmatlyklar hem, maddy gymmatlyklar hem bar.

(66-njy sah.) 

Kämil hem gaýtalap bolmajak gymmatlyklarymyz

Türkmen aty, halysy, saz gurallary, dutary, şaý-sepleri, alabaý iti, saryja goýny, ak bugdaýy — bular biziň milletimiziň döreden maddy gymmatlyklarynyň esaslary we göze dürtülip duranlarydyr. Hatda bulary esaslandyrmak, subut etmek hem gerek däl, bularyň özleri mesaňa göze dürtülip durlar. Özem olar öz ugrundan kämilligiň iň ýokary derejesindäki sap gymmatlyklardyr. Munuň özi, türkmençe aýdylanda, deňi-taýy bolmadyk we gaýtalap bolmajak, meňzeşligini agtaryp tapyp bolmajak diýmekdir.

Kämillik hem gaýtalanmazlyk — ine, gymmatlygyň baş ölçegleri. Şeýle gymmatlyklar türkmeniň özüniň millet hökmündäki kämilliginiň we özbaşdak ösüşi hökmündäki gaýtalanmazlygynyň üstüni açýar. Çünki eseriň kämilliginde ussadyň kämilligi aýan bolýar. Eseriň kämilliginiň ölçegi — ussadyň Hudaý beren zehininiň we eseriň döredilmegine sarp edilen beden hem ruhy gujuryň hem hyjuwyň ölçegidir. Bu — bir tarapdan.

(67-nji sah.) 

Ak bugdaý

Ak bugdaý — bäş müň ýyl mundan öňem bar eken.

Türkmeniň ahalteke bedewi, türkmen iti, halysy, beýlekiler hakynda hem şu anyklanan taryhy senäni agzamalydyrys.

Bu ýerden möhüm netije gelip çykýar: türkmen bäş müň  ýaşly millet diýen pikire ernini ýyrşardaýjak adamlaryň gözüne basjak anyk delillerdir şu zatlar.

(67-nji sah.)  

Oguz elipbiýi, türkmeni bütindünýä-taryhy açyşlaryň üstünden eltdi

Oguz hanyň ilkibaşky ruhy tapyndysy — milli oguz-türkmen elipbiýiniň döremegi, Oguz hanyň beýik ýörişleri mahalynda täze guralyň — arabanyň oýlanyp tapylmagy türkmeni bütindünýä-taryhy açyşlaryň üstünden eltdi.

(162-nji sah.) 

Araba taryha, ýaşaýşa tizlik berdi

Kaňly taýpasynyň öňbaşysy tarapyndan arabanyň oýlanyp tapylmagy bolsa — türkmeniň bütin adamzat üçin ikinji beden tizligini tapmagydyr. Şu iki tizligi türkmenler özleriniň bütin taryhynyň içinden eriş-argaç geçirip, şu günlere ýetirdiler. Elbetde, araba taryha, ýaşaýşa tizlik berdi. Emma elipbiýimiz bolsa öz daşky durşuny üýtgetdi we biziň günlerimize, eýýäm, türkmen halysynyň nagyşlary görnüşinde gelip ýetdi.

(162-nji sah.)