Biziň mümkinçiliklerimiz çäksizdir. Biz olaryň umumy bähbit we umumy peýda getirmeginiň tarapdary. Şonuň üçin-de biz deň derejeli hemşerilik we özara bähbide esaslanýan giň hyzmatdaşlyga taýýar. Ykbal Türkmenistana Ýewropada hem, Aziýada hem halkara gatnaşyklarynyň merkezine öwrülmek mümkinçiligini döretdi. Biziň ýerasty we ýerüsti baýlyklarymyz Altyn asyrda altyn ýaşaýşymyzyň üpjünçiligine, ygtybarlylygyna kepil geçýär.

(158)

Ýerasty baýlyklar

Bu topragyň aşagynda nebit, gaz hazynasy bilen birlikde ähli ýerasty baýlyklary ýatyr. Ýerasty baýlyklaryň köplügi boýunça dünýä döwletleriniň arasynda türkmenleriň iň baý döwletdigini, esasy dünýä gazynyň we nebitiniň ýüzden 30 böleginiň Türkmenistandadygyny bellemelidiris.

(246)

Ýerüsti baýlyklar

Daýhanlarymyz bu topragyň her bir gysym gumunyň zerden-göwherden gymmat hazynadygyny, dünýädäki ilkinji ekerançylygyň şu toprakda başlanandygyny, bu topragyň ilkinji ak bugdaýyň Watanydygyny bilýärler! Bu toprakda bitýän ir-iýmişleriň, gök we bakjaçylyk, ekerançylyk önümleriniň tagamlylygy, datlylygy, hümmetliligi boýunça bäsleşip biljek ikinji bir döwlet ýokdur.